Kueren fir nei an erfueren Imker

Organisatioun & Umeldung

Grad esou wéi déi läscht Joeren organiséiert den Dikricher Beieveräin Kueren fir alleguerte seng Memberen. Dës Kuere riichten sech grad esou un all Jongimker, ewéi och un all erfueren Imker.

Mir bieden all eis Jongimker un de 5 theoretesche Kueren vun der FUAL deelzehuelen, fir datt si dat néidegt Basiswëssen opweisen wat an eise praktësche Kueren erwaard gëtt. Den Detail an d’Informatiounen zur Umeldung fir dës Kueren vun der Federatioun fann Dir op www.apis.lu.

Wat déi praktesch Kueren betrëfft wëssen mir am Moment (Fréijar 2021) nach net wéi mir et genee waerten ungoen. Un de Kueren deelhuele kënn Dir nëmmen wann dir ugemellt sidd. Mir mussen do kuken wivill Leit zesummenkommen, wéi di aktuell sanitär Virschrëften sin an och wat d’Gemeng eis vun Oblagen resp. Restriktiounen virschreiwt. Subal mir dat wëssen kommunizéiren mir iwwert eis offiziell Mailen an setzen d’Info och op www.beien.lu an facebook.

An engem normale Beiejar géife mir am Abrëll mat de Kueren ufänken. Dës ginn dann Méindes zu Dikrich an der Hooldär ofgehal a fänken normalerweis um 18h00 un. Déi genee Sujetën leeën mir net am Viraus fest, mee mir maachen dat ofhängeg vum Joresoflaaf a kucken wéieng Thematik mir zu wéiengem Zäitpunkt behandelen. Mir versichen secherzestellen, dat mir mat eise jonken Imker een komplett Beiejoër mat den jores-spezifëschen Arbëschten duerchlaafen. Dës Kuere si fir all Mëmber vum Dikricher Beieveräin gratis a ginn vun enger Equipe vu Komitésmëmberen zesumme mam Beieberoder Andreas Reichert gehaal.

Mir bieden déi interesséiert Leit sech bis de 16. Abrëll fir dës Kueren hei ënnendrënner unzemellen.

Déi genee Datumer vun de praktesche Kuere fann Dir am Agenda (soubal se festgeluecht sinn). Déi ugemellte Lett kréien per Email an/oder SMS matgedeelt wann nach Datumer bäikommen oder musse geréckelt ginn.

Umeldung fir d’praktesch Kuere vum Beieveräin Dirkich: